Ացետիլսալիցիլաթթուն (ասպիրին) ոչ միայն ջրիկացնում է արյունը, այլեւ կարող է կանխարգելել թրոմբոզները: Այս մասին հաղորդել են գերմանական Դյուսելդորֆի համալսարանի մասնագետները:
Սրտաբանների եվրոպական կոնգրեսի ժամանակ գիտնականները պատմել են ացետիլսալիցիլաթթվի նոր օգտակար հատկություն հայտնաբերելու մասին. փոքր չափաբաժնի դեպքում ասպիրինը խոչընդոտում է տրոմբոցիտների կպչելուն, ինչը ոչ միայն թրոմբոզներից պաշտպանություն է ապահովում, այլեւ զգալիորեն ուժեղացնում է դրա հակաբորբոքային ազդեցությունը:
Գերմանացի գիտնականներն օրական 100 մգ չափաբաժնով ասպիրինի երկարատեւ ազդեցությունը ստուգել են կորոնար անբավարարությամբ 402 հիվանդի մոտ (միջին տարիքը՝ 73 տարեկան): Հիմնական եւ հսկիչ խմբերի հիվանդների մոտ հակաբորբոքային գործողությունը ստուգելու համար անալիզի են ենթարկել C ռեակտիվ սպիտակուցի մակարդակը: Ասպիրինի ոչ բավարար ազդեցությամբ հիվանդների մոտ բորբոքային մարկերի ավելի բարձր մակարդակ է նկատվել:
Գիտնականներն ապացուցել են, որ դեղամիջոցի հակաբորբոքային ազդեցության հարցում վճռորոշ դեր ունի տրոմբոցիտների արգելափակման ֆունկցիան:
Հետևեք NEWS.am Medicine-ին Facebook-ում և Twitter-ում