2018 թվականին Եվրոպացի եւ հայ պրոֆեսիոնալների ասոցիացիան ցանկանում է Հայաստանում դասընթացներ անցկացնել ռադիոլոգ բժիշկների համար: Այս մասին NEWS.am-ի հետ զրույցում հայտնեց Ասոցիացիայի նախագահ Միքայել Մինասյանը (Գերմանիա):
Ասոցիացիան ցանկանում է դասավանդելու համար մասնագետ հրավիրել Գերմանիայից, որը կաշխատի տեղացի բժիշկների հետ:
«Վերջին տարիներին երկիրն անհրաժեշտ սարքավորումներ է ձեռք բերել, սակայն, ցավոք, մասնագետների վերապատրաստում դեռեւս չի կատարվել: Հիմա մենք ցանկանում ենք այս բացը լրացնել», - հավելեց նա:
Հետևեք NEWS.am Medicine-ին Facebook-ում և Twitter-ում