Քնի մասնակի կամ ամբողջական կորուստը կարող է բուժել դեպրեսիան, ասված է The Journal of Clinical Psychiatry ամսագրում հրապարակված հետազոտության մեջ։ Գիտնականները նման եզրակացության են եկել վերջին տասնամյակում տվյալների հետազոտությունների հիման վրա։
Դեպրեսիան բուժելու նպատակով քնից զրկելը հոգեբուժության մեջ սկսվել է կիրառվել 1966 թվականից։ Գիտնականների թիմը որոշել է պարզել, թե որքանով է այդ մեթոդն արդյունավետ։ Վերանայելով ավելի քան 200 աշխատանք՝ գիտնականները կազմել են գրեթե 40-ամյա շրջանի կտրվածքով քնի խանգարման ուսումնասիրություն։ Պարզվում է, որ այդ մեթոդը բավականին արդյունավետ է դեպրեսիան բուժելու համար։ Դրա օգնությամբ պացիենտների 50 տոկոսն ազատվել է այդ հիվանդությունից։ Ընդ որում, որեւէ դեր չի խաղացել այն հանգամանքը, թե քնի խանգարումը եղել է ամբողջական, թե մասնակի։
Հետազոտողները նշում են, որ հետագա ուսումնասիրություններ են անհրաժեշտ՝ պարզելու համար, թե ինչ մեխանիզմներով է քնից զրկելը նպաստում դեպրեսիայի բուժմանը։
Հետևեք NEWS.am Medicine-ին Facebook-ում և Twitter-ում