Փորձաքննությունների ազգային բյուրոն եւ Բժշկական Գենետիկայի եւ առողջության առաջնային պահպանման կենտրոնը Միջազգային Գիտատեխնիկական Կենտրոնի (ISTC) ֆինանսավորմամբ կազմակերպում է գիտագործնական սեմինար «ԴՆԹ սեքվենավորման տեխնոլոգիաները եւ դրանց գործնական կիրառումը» թեմայով:
Այն տեղի կունենա սույն թվականի հոկտեմբերի 11-ից 13-ը, «Անի Պլազա» հյուրանոցի «Նաիրի» սրահում, հասցե՝ Սայաթ-Նովա 19:
Գիտագործնական սեմինարի հիմնական թեմաներն են՝
Սեքվենավորման տարբեր տեխնոլոգիաների կիրառումը ժառանգական հիվանդությունների ախտորոշման նպատակով, Սեքվենավորման արդյունքների կենսաին ֆորմատիկ մշակում, Սեքվենավորման տեխնոլոգիաները դատագենետիկական փորձաքննությունների ոլորտում:Գիտագործնական սեմինարի աշխատանքային լեզուն անգլերենն է, հայերենի միաժամանակյա թարգմանության ապահովմամբ:
Մասնակիցների թիվը սահմանափակ է: Մասնակցության համար նախնական հիմք է հանդիսանում առցանց գրանցումը www.nbe-dna.am կայքում: Գրանցման վերջնաժամկետը հոկտեմբերի 4-ն է, որից հետո գրանցված անձիք գրավոր կստանան իրենց մասնակցության հաստատումը:
Միջոցառման վերջում մասնակիցենրը կստանան մասնակցության վկայականներ՝ համապատասխան կրեդիտներով:
Հետևեք NEWS.am Medicine-ին Facebook-ում և Twitter-ում