Համաձայն 1315 տղամարդու մասնակցությամբ վերջերս կատարված հետազոտության, տղամարդկանց 80%-ը կարծում է, որ 50-ից հետո կյանքը բարելավվում է, իսկ 20%-ը՝ որ այն մնում է ծանր մինչեւ տղամարդու թոշակի անցնելը:
Ամեն լավ բանի վերջը ինչ-որ ժամանակ գալիս է: Տղամարդիկ հայտնաբերել են, որ իրենց երջանկությունը սկսում է պակասել 70 տարեկանում, եւ այդ ժամանակ նրանք դյուրագրգիռ եւ կռվարար են դառնում: Psychology and Aging ամսագրի մարտյան թողարկման մեջ հրապարակված հետազոտությունը լույս է սփռում այն բանի վրա, թե ինչու տղամարդիկ, որոնց տարիքը 15-ամյա հետազոտության սկզբում կազմել է 53-85 տարեկան, սկզբնական շրջանում գոհ են եղել կյանքից, իսկ այնուհետեւ՝ 70 տարեկանում փնթփնթան են դարձել, հաղորդում է Fox News-ը:
«60-ին մոտ տարեց մարդկանց հետ ավելի քիչ տհաճություններ են պատահում, քան նրանց հետ, ովքեր 50 տարեկան են»,- բացատրում է առաջատար հեղինակ Կարոլին Օլդվինը: Բայց 70-ից հետո դրանք շատանում են՝ խնդիրներ առողջության հետ, հարազատների եւ ընկերների մահ:
Սակայն նա նաեւ ավելացնում է, որ ծերունիները դատապարտված չեն մռայլ գոյատեւման, քանի որ ի հայտ են գալիս երջանկության նոր աղբյուրներ. «Դուք կարող եք կորցնել ծնողներին, սակայն թոռնիկ ունենալ»:
Հետևեք NEWS.am Medicine-ին Facebook-ում և Twitter-ում