22-ամյա Էբբի Ուոլիսը տառապում է Ալցհեյմերի մանկական հիվանդության հազվագյուտ տարատեսակով, որը սովորաբար սկսում է զարգանալ անմիջապես ծնվելուց հետո։ Նման հիվանդներին բժիշկները առավելագույնը 10 տարվա կյանք են կանխատեսում։ Հիմա Էբբին արդեն 22 տարեկան է՝ հիվանդությունն արդեն աղջկան զրկել է խոսելու ունակությունից, ու նա ամենայն հավանականությամբ, շուտով կկորցնի նաեւ քայլելու ունակությունը։ Մտավոր զարգացմամբ նույնպես նա գրեթե չի տարբերվում փոքր երեխաներից։
Սանֆիլիպո համախտանիշը, որով տառապում է Էբբին, գենետիկ մուտացիայի հետևանք է, որի հետեւանքով ուղեղում կուտակվում են թունավոր բաղադրիչներ, որոնք աստիճանաբար խախտում են մտավոր ու շարժողական ֆունկցիաները։ Ու չնայած Էբբիի ինտելեկտն արդեն իսկ սաստիկ տուժել է, նա միեւնույն է սիրում է դիտել դիսնեյյան մուլտֆիլմեր ու լսել սիրելի երաժշտություն, որի ներքո պարում է ու երգում։ Երկար ժամանակ նրա ծնողները նույնիսկ չէին հասկանում, թե ինչ է տեղի ունենում իրենց դստեր հետ՝ որոշ ժամանակ Էբբիի մոտ աուտիզմ էին կասկածում։ Սակայն երկարատեւ հետազոտություններից հետո բժիշկները վերջապես պարզել են ճիշտ ախտորոշումը։
2015-ին Էբբիի մամայի մոտ ախտորոշել էին աղիների ուռուցք։ Քիմիաթերապիայից, ճառագայթումից ու վիրահատությունից հետո բժիշկները կարծես սկսել էին խոսել ապաքինման մասին, բայց հետագայում պարզվել էր, որ քաղցկեղը մետաստազներ է տվել թոքերում ու հասել 4-րդ փուլի։ Կինը ստանում է կանոնավոր քիմիաթերապիա, բայց հիվանդությունը դանդաղորեն զարգանում է, ու նա շուտով կհեռանա կյանքից։ Չնայած այդ ամենին՝ ընտանիքում Էբբին է մնում գլխավոր առաջնայնությունը ու հանուն նրա ժպիտի մայրը, իր իսկ խոսքով, պատրաստ է դիմանալ ցանկացած ցավի։
Հետևեք NEWS.am Medicine-ին Facebook-ում և Twitter-ում