Բնական մթերքներին սոյայի այլընտրանքներն այսօր շատ տարածված են. կարծիք կա, որ դրանք առողջության համար ավելի օգտակար են, քան սննդամթերքի ավանդական տարբերակները: Սակայն իրականում սոյայի փոխարինիչները կարող են ավելի մեծ վնաս հասցնել, քան օգուտ, կարծում են մասնագետները:
Ինչպես հայտնում է Sunday Times-ը, հետազոտողները հայտնաբերել են, որ բուսակերների սոյայից ապխտած բեկոնը, որը գտնվել է սուպերմարկետների հանրահայտ ցանցում, 100 գրամի մեջ 309 կալորիա է պարունակել: Իսկ սովորական բեկոնի 100 գրամում եղել է ընդամենը 233 կալորիա:
Դիետոլոգ Ամանդա Արսելը խորհուրդ է տալիս ուշադրություն դարձնել ոչ միայն անվանմանը, այլ նաեւ մթերքների բաղադրությանը: Տեխնոլոգիական մշակման ենթարկված ցանկացած սնունդ կարող է չափազանց շատ ճարպ, շաքար կամ աղ պարունակել, նախազգուշացնում է մասնագետը:
Նախկինում մասնագետները պարզել էին, որ բուսակերների սննդակարգը կարող է ազդել ինտելեկտի մակարդակի վրա: Սուրեյ համալսարանի գիտնականների նոր հետազոտության համաձայն՝ կաթնամթերքներից հրաժարվելը կարող է IQ-ն 13 կետով նվազեցնել: Սա ավելի շուտ պայմանավորված է այն հանգամանքով, որ ինտելեկտի մակարդակը կախված է սննդամթերքի հետ ստացվող յոդի քանակությունից, իսկ մեր սննդակարգում յոդի հիմնական աղբյուրներից մեկը կաթնամթերքներն են:
Հետևեք NEWS.am Medicine-ին Facebook-ում և Twitter-ում