Ֆիզիկական վարժությունների ընդամենը 15 րոպեն թույլ է տալիս ավելի արագ ամրապնդել նոր գիտելիքները եւ յուրացնել շարժողական հմտությունները: Այսպիսի եզրակացության են հանգել McGill University-ի գիտնականները:
Որպեսզի ֆիզիկական վարժություններն արագացնեն ուսումնառությունը, խորհուրդ է տրվում սովորելուց անմիջապես հետո կարճ մարզում անցկացնել: Ըստ որում՝ ֆիզիկական վարժությունների էֆեկտը սկսում է զգացվել միայն հաջորդ օրը:
Հետազոտողները կամավորներին խնդրել են ոչ մեծ խնդիրներ կատարել: Մասնակիցները պետք է էկրանին ջոյսթիկի օգնությամբ միավորեին մի քանի ուղղանկյուններ: Այնուհետեւ փորձարկվողների մի մասը ֆիզիկական վարժություններ է կատարել, իսկ մյուսները հանգստացել են:
Հաջորդ օրը մասնակիցներին դարձյալ առաջարկել են լուծել նույն խնդիրը: Յուրաքանչյուր հանձրարությունը կատարելուց հետո մասնագետները գնահատել են կամավորների ուղեղի ակտիվությունը: Պարզվել է, որ նրանց մոտ, որոնք առաջին խնդիրը լուծելուց հետո ֆիզիկական վարժություններ են կատարել, ուղեղի ակտիվությունն ավելի ցածր էր, քան մնացյալի մոտ: Սակայն երկրորդ խնդիրը նրանք ավելի լավ են հաղթահարել:
Այսպիսով, հետազոտության հեղինակների խոսքով՝ ֆիզիկական վարժությունները ազատել են ուղեղի պաշարները, եւ օրգանիզմը կարողացել է դրանք ուղղել նոր հմտության ուսումնասիրմանը:
Հետևեք NEWS.am Medicine-ին Facebook-ում և Twitter-ում