Գիտնականները հերքել են այն կարծիքը, որ ուղեղը մարզելու խաղերը բարելավում են հիշողությունը

Արեւմտյան Օնտարիոյի համալսարանի (University of Western Ontario) կանադացի նեյրոգիտնականները հերքել են այն պնդումները, որ որ ուղեղը մարզելու խաղերը բարելավում են հիշողությունը: Համապատասխան ուսումնասիրությունը հրապարակվել է Neuropsychologia ամսագրում:

Գիտնականները որոշել են ստուգել, արդյոք ուղեղի մարզման բազմաժամ խաղերը իսկապես կարող են  մեկ այլ, նմանատիպ խաղում առավելություն ապահովել: Փորձի մասնակիցները բաժանվել են 2 խմբի: Մի խմբի մասնակիցները 20 օրվա ընթացքում 13 ժամ շարունակ մարզվել են քառակուսիների նշանի որոնման խաղում, որը փուլ առ փուլ բարդանում էր: Երկրորդ խումբը նմանատիպ մարզումներ չի անցկացրել:

Այնուհետ երկու խմբերի մասնակիցներին առաջարկել եմ խաղ խաղալ, որտեղ անհրաժեշտ էր հիշել ոչ թե նշանները, այլ թվերը: Արդյունքում երկու խմբի մասնակիցները գրեթե նույն արդյունքներ են ցույց տվել:

Այս կապակցությամբ գիտնականներն առաջարկում են ուղեղի աշխատանքի, համապատասխանաբար նաեւ հիշողության բարելավման ավանդական միջոցներ օգտագործել: Դա լավ քունն է, լավ սնունդը, կրթության մակարդակի բարձրացումը: Ժամանակը տեսախաղերին կամ ուղեղի մարզման թեստերին տրամադրելու փոխարեն, մասնագետները խորհուրդ են տալիս զբոսնել մաքուր օդում եւ ընկերների հետ շփվել:

Հետևեք NEWS.am Medicine-ին Facebook-ում և Twitter-ում