Անկողնու սպիտակեղենը հարկավոր է լվանալ շաբաթական մեկ անգամից ոչ ուշ, հակառակ դեպքում՝ այն կարող է սնկերի եւ մանրէների օջախ դառնալ: Այս մասին հաղորդում է Նյու Յորքի համալսարանից բժիշկ Ֆիլիպ Տիերնոն:
Մասնագետն ուսումնասիրել է հետազոտության տվյալները, որոնց համաձայն՝ անկողնային սպիտակեղեցնի մակերեսին հայտնաբերվել են թեփ, կենդանիների մազ, որոշ դեպքերում՝ նաեւ անկողնային տզերի կենսագործունեության հետքեր:
Սրանք կարող են վտանգավոր լինել մարդու առողջության համար եւ տարատեսակ հիվանդությունների պատճառ դառնալ, այդ թվում՝ ալերգիկ ռեակցիաների եւ ասթմայի:
Պակաս վտանգավոր չեն նաեւ փետրավոր եւ սինթետիկ բարձերը, որոնցում մինչեւ 17 տեսակի սնկեր կարող են լինել:
Առողջությունը պահպանելու համար փորձագետը խորհուրդ է տալիս ամեն շաբաթ լվանալ անկողնային սպիտակեղենը, ինչը կօգնի խուսափել սնկերի եւ մանրէների կողմից մարդու օրգանիզմի վրա անցանկալի ազդեցությունից:
Հետևեք NEWS.am Medicine-ին Facebook-ում և Twitter-ում