The Daily Mail-ը հայտնում է, որ մինչ այդ Մինակաշին մի քանի աբորտ էր կատարել եւ վիժում ունեցել: Նա ստիպված էր հղիությունն արհեստականորեն ընդհատել բարդությունների զարգացման պատճառով: Միաժամանակ, աբորտներից մեկի ժամանակ վնասվել է նրա արգանդը:
Երիտասարդ ընտանիքն արդեն երեխա ունենալու հույս չուներ, երբ բժիշկները հայտնել են արգանդի փոխպատվաստման հնարավորության մասին: Մինակաշիի համար դոնոր է դարձել 45-ամյա մայրը: Վիրահատությունը հաջողությամբ կատարվել է անցյալ տարվա մայիսին, իսկ վիրահատությունից 40 օր հետո անցակացվել է ԱՄԲ միջամտություն:
Բարեբախտաբար, հղիությունն անցել է առանց բարդությունների: Առողջ երեխան լույս աշխարհ է եկել կեսարյան հատմամբ, քանի որ բժիշկները մտավախություն ունեին, որ բնական ծննդաբերությունը բացասաբար կանդրադառնա արգանդի վրա:
Աշխարհում առաջին արգանդի փոխպատվաստման վիրահատությունը կատարվել է 2014 թվականին Շվեդիայում: Այդ ժամանակ 36-ամյա Մալին Սթենբուրգի համար դոնոր էր դարձել 61-ամյա կինը:
Աղբյուրը՝ The Daily Mail
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր