Տարօրինակ դեպք է տեղի ունեցել չինական հիվանդանոցներից մեկում։
Ինչպես հայտնում է msn-ը, Չինաստանի Պեն ազգանունով բնակիչը դիմել է բժիշկներին՝ բողոքելով հազից եւ կրծքավանդակում ցավից։ Այն բանից հետո, երբ նշանակված բուժումը արդյունք չի տվել, բժիշկները ռենտգեն են արել եւ ծայրահեղ զարմացել իրենց տեսածից։
Պարզվել է, որ տղամարդու թոքերը խիստ վնասված են եղել սնկային ինֆեկցիայով, եւ դրա պատճառն այն է, որ նա սիրում է հոտ քաշել կեղտոտ գուլպաներից։ Այս տարօրինակ հոբբին, հնարավոր է, այսքան տխուր հետեւանքներ չունենար, եթե չլիներ մի «բայց»՝ Պենի իմունիտետն ընկել էր սթրեսից։
Նշանակված բուժման շնորհիվ կեղտոտ գուլպաների սիրահարը սկսել է առողջանալ։
Հատկանշական է, որ այս նորությունը մեծ արձագանք է գտել սոցցանցերում, եւ ամբողջ աշխարհում կեղտոտ գուլպաներից հոտ քաշելու սիրահարները (իսկ նրանք, պարզվել է, քիչ չեն) սկսել են համացանցում տեղադրել իրենց տեսանյութերը, որոնցում մտավախություն են հայտնել իրենց առողջության համար։
Հետևեք NEWS.am Medicine-ին Facebook-ում և Twitter-ում