Գիտնականներին հաջողվել է լաբորատոր պայմաններում, ինչպես փորձագետներն են նշում, մարդու կատարյալ արյունատար անոթներ ստեղծել: Գիտության այս առաջընթացը արյունատար համակարգի հիվանդությունների հետազոտության, ինչպես նաեւ նոր դեղերի թեստավորման տեսանկյունից կարեւոր նշանակություն ունի:
Հետազոտության հեղինակներից մեկի՝ Բրիտանական Կոլումբիայի համալսարանի տնօրեն Ջոզեֆ Պենինգերի խոսքով՝ հայտնագործությունը էական ազդեցություն կունենա մի շարք հիվանդությունների զարգացման պատճառների ուսումնասիրությունում, ինչպես նաեւ թույլ կտա ավելի լավ ուսումնասիրել վերքերի ապաքինման խնդիրները:
Մարդու արյունատար անոթների օրգանոիդները (եռաչափ բջջային կուլտուրաները) գիտնականների կողմից աճեցվել են Պետրիի ամանում՝ ցողունային բջիջների հիման վրա: Դրանք մկներին փոխպատվաստելով գիտնականները մարդու գործող արյունատար անոթներ են ստացել, այդ թվում նաեւ զարկերակներ եւ մազանոթներ: Սա իր հերթին նոր հեռանկարներ է ստեղծել մարդու արյունատար անոթներում փոփոխությունների կանխման եւ հետազոտության ուղղությունում:
Մասնագետները նշում են, որ աճեցված օրգանոիդներն անգամ մոլեկուլյար մակարդակում շատ նման են մարդու մազանոթներին, ինչը նրանց կիրառումը հնարավոր է դարձնում անմիջապես մարդու հյուսվածքներում արյունատար անոթներների հիվանդությունների ուսումնասիրության ժամանակ:
Հետազոտությունը հրապարակվել է Natural գիտական ամսագրում:
Հետևեք NEWS.am Medicine-ին Facebook-ում և Twitter-ում