Մասնագետները եկել են այն եզրակացության, որ ուշ ընթրիքի եւ քնելու միջեւ ընդմիջում անելու ոչ մի անհրաժեշտություն չկա:
Օկինավայի համալսարանի գիտնականները պնդում են, որ իրականում նախկինում ուշ ընթրիքի եւ քնելու միջեւ խորհուրդ տրվող 2 ժամվա ընդմիջումը երկարաժամկետ հեռանկարում ոչ մի կերպ չի ազդում արյան մեջ շաքարի ցուցանիշի վրա:
Փորձագետների եզրակացությունները հիմնվում են 3 տարի շարունակ 1573 առողջ չափահաս մարդկանց դիտարկումների վրա:
Մասնակիցների մեծ մասը վերջին սնվելու եւ քնելու միջեւ 2 ժամյա ընդմիջում է արել: Մնացած կամավորնեը՝ կանանց 8 տոկոսը եւ տղամարդկանց 16 տոկոսը, կամ կրճատել են այդ միջակայքը կամ լիովին հրաժարվել դրանից:
Մասնակիցների արյան անալիզի արդյունքները ցույց են տվել, որ ուշ ընթրիքի ժամը երկարաժամկետ հեռանկարում ոչ մի կերպ չի ազդում արյան մեջ շաքարի ցուցանիշներին: Մինչդեռ տվյալ հարցում առավել շոշափելի գործոններ են եղել մարմնի զանգվածի ինդեքսը, զարկերակային ճնշումը, ֆիզիկական ծանրաբեռնվածությունը, ինչպես նաեւ վնասակար սովորությունները՝ ինրպիսիք են ծխելը եւ ալկոհոլի օգտագործումը:
Նյութափոխանակության կարգավորման համար գիտնականները խորհուրդ են տալիս ուշադրություն դարձնել ընդունող սննդի քանակին, ծխելուց հրաժարվելուն եւ ալկահոլոի չարաշահմանը, ինչպես նաեւ հետեւել քնի ռեժիմին:
Հետևեք NEWS.am Medicine-ին Facebook-ում և Twitter-ում