Կոլումբիայի համալսարանի գիտնականները որոշել են ստուգել, թե մարդու որ զգացումներն են «պահարանում կմախքներ» առաջացնում:
Հետազոտությանը մասնակցել է 1000 մարդ, որոնք պետք է պատմեին իրենց գաղտնիքների մասին, ինչպես նաեւ զգացումների, որոնք զգում են դրանց պատճառով: Գիտնականներին նաեւ հետաքրքրում էր, թե կամավորներն ամսվա ընթացքում որքան հաճախ են մտածում իրենց գաղտնիքների մասին:
Պարզվել է, որ բոլոր փորձարկվողներին ընդհանուր բաժին է ընկել 6 հազար գաղտնիք: Ընդ որում՝ փորձի մասնակիցներն ամոթ առաջացնող գաղտնիքների մասին ավելի հաճախ են մտածել, քան մեղքի զգացում առաջացնողների:
Գիտնականները նշում են, որ մարդու առողջության վրա գաղտնիքների բացասական ազդեցությունը եւ մերձավորների հետ նրա հարաբերությունները մեծապես թերագնահատվում են: Այսպես՝ ամոթի զգացումը մարդուն ստիպում է զգալ իր անզորությունն ու ոչնչությունը, իսկ մեղքի զգացումը՝ զղջումն ու ափսոսանքը:
Պարզվել է՝ ամոթի զգացում են առաջացնում հիմնականում այն գաղտնիքները, որոնք կապված են հոգեկան առողջության եւ անցյալում բացասական փորձի հետ, իսկ մեղքի զգացում՝ սուտը, չարդարացված վստահությունը եւ այլ մարդուն պատճառված վնասը:
Հետազոտության առաջատար հեղինակ Մայքլ Սլեփյանը (Michael L. Slepian)՝ Կոլումբիայի համալսարանի Բիզնեսի դպրոցից, խորհուրդ է տալիս սեփական գաղտնիքները սրտին մոտ չընդունել, եւ աշխատել իրավիճակից դուրս գալ: Հաշվի առնելով այն, որ մեղքի զգացումն օգնում է առաջ շարժվել՝ ամոթից մեղքին անցումը կարող է դրական ազդեցություն ունենալ մարդու հոգեբանական տրամադրվածության վրա:
Հետևեք NEWS.am Medicine-ին Facebook-ում և Twitter-ում