Շաքարն արագացնում է օրգանիզմում քաղցկեղային ուռուցքների զարգացումը: Այս մասին զգուշացնում են Մ.Դ. Անդերսոնի անվան Ուռուցքաբանության կենտրոնի գիտնականները:
Հետազոտության ընթացքում մասնագետները մկների մի խմբին սախարոզա են տվել(նույն քանակությամբ, ինչ օգտագործում են Արեւմուտքի երկրների բնակիչները), մյուսներին առանց շաքարի սնունդ, հիմնականում օսլային դիետա: Մկների առաջին խմբի արյան շաքարի մակարդակն արագ բարձրացել է, դրա հետ մեկտեղ նկատվել է նաեւ չարորակ ուռուցքի զարգացում:
Գրանցվել են նաեւ այլ օրինաչափություններ. պարզվել է, որ եգիպտաացորենի օշարակի (որում շատ ֆրուկտոզա կա) եւ շաքարի օգտագործումը մկների թոքերում մետաստազների արագ զարգացման է հանգեցնում:
Չնայած նրան, որ փորձին մասնակցել են մկներ, այլ ոչ թե մարդիկ, մասնագետները պնդում են, որ հարկավոր է նվազեցնել շաքարի օգտագործումը: Այսպիսով նրանց խոսքով, կարելի է նվազեցնել ճարպաակալման, ինչպես նաեւ ուռուցքային եւ սրտանոթային հիվանդությունների վտանգը:
Փորձագետները հիշեցրել են, որ մեծ քանակությամբ ֆրուկտոզայով օշարակները կարող են շատ մթերքներում պարունակվել. կոնֆետներում, թխվածքներում, պաղպաղակում, մուրաբայում, ժելեում, հյութերում, յոգուրտներում:
Մասնագետները խորհուրդ են տալիս պատրաստի քաղցրավենիքները մրգերով եւ բանջարեղենով, մեղրով փոխարինել: Շատ օգտակար է նաեւ սեւ շոկոլադը, այն արդյունավետորեն կանխում է քաղցրի նկատմամբ սերը:
Հետևեք NEWS.am Medicine-ին Facebook-ում և Twitter-ում