Արթրիտի դեպքում լոռամրգիի հյութը կարող է նվազեցնել հոդացավերը, պնդում են Լոնդրինայի համալսարանի գիտնականները:
Նրանք ռեւմատոիդային արթրիտով կանանց խորհուրդ են տալիս ամեն օր խմել կես լիտր լոռամրգիի հյութ. դա 3 ամսում կօգնի նվազեցնել հակամարմինների խտությունը, որոնք հարձակվում ու քայքայում են հոդերը:
Խոսքը anti-CCP (ցիկլիկ ցիտրուլինացված պեպտիդների հակամարմին) հակամարմինների մասին է, որոնք արտադրում է հիպերակտիվ իմունային համակարգը: Բժիշկները սովորաբար հենց այս հակամարմինների մակարդակով են դատում արթրիտի զարգացման մասին:
Փորձերը ցույց են տվել, որ լոռամրգիի հյութի պարբերական գործածումը թույլ է տալիս նվազեցնել ոտքերին եւ ձեռքերին արթրիտի ախտանշանների արտահայտվածությունը (այտուցված եւ ցավող հոդեր): Հավանաբար, լոռամրգիի մեջ պարունակվող հակաօքսիդանտներն արգելակում են աուտոիմունային ռեակցիան, որը ախտանշանների պատճառն է:
Լոռամրգին պարունակում է նաեւ կվերցետին՝ միացություն, որը կարող է օրգանիզմում բորբոքումը կանխել՝ ազդելով գեների վրա: Սակայն վերջին հետազոտությունը ցույց է տվել, որ լոռամրգիի հյութը, հավանաբար, բորբոքումն, այնուամենայնիվ, չի նվազեցրել: Արյան անալիզները համապատասխան փոփոխություններ ցույց չեն տվել:
Հետևեք NEWS.am Medicine-ին Facebook-ում և Twitter-ում