Քվինսլենդից (Ավստրալիա) Ջենի Բոնելի ընտանիքում 16 երեխա է մեծանում՝ 9 տղա եւ 7 աղջիկ: Նրանք են՝ Ջեսին, Բրուկը, Քլերը, Նատալին, Կարլը, Քեմերոնը. Սաբրինան, Թիմը, Բրենդոնը, Եվան, Նեյթը, Ռեյչելը, Էրիկը, Դամիանը եւ Քեյթլինը: Նրանցից ամենամեծը 28 տարեկան է, իսկ ամենակրտսերը՝ 4 տարեկան:
Տնային պարտականությունների կատարման համար Ջենին մի ամբողջ համակարգ է ստեղծել երեխաներին տնային գործերում ներգրավելու համար:
Նման մեծ ընտանիքում կարգ ու կանոն պահպանելու համար բազմազավակ մայրը խորհուրդ է տալիս նախապես բաշխել պարտականությունները՝ դրանք ընտանիքի բոլոր անդամների հետ քննարկելով:
Մեկ շաբաթվա աշխատնքների ժամանակացույցը Ջեննին սկսել է կազմել 7-րդ երեխայի ծնունդից հետո:
Նրա խոսքով՝ նա տնային գործերին ներգրավում է 8 տարեկանից բարձր բոլոր երեխաներին:
Հատկանշական է, որ այս համակարգը տխրեցնում է փոքրիկ երեխաներին, որոնք նույնպես ցանկանում են մասնակցել ընտանեկան կենցաղի կազմակերպմանը:
Աշխատանքների ցուցակի կազմման ժամանակ ամբողջ ընտանիքը հավաքվում է: Նրանք պետք է իսկական խճանկար հավաքեն ընտանիքի անդամների անուններով մեկ շաբաթվա առաջադրանքների քարտերով:
Այնուհետ ստացված ցուցակները լամինացիայով տպվում են եւ ժամանակացույցը փակցնում են պատին:
Տանը նաեւ անխախտ կանոններ կան՝ նախաճաշելուց առաջ հավաքել անկողինը, չաղտոտել, շաբաթը երկու անգամ փոշեծծիչով մաքրել սենյակները, ամեն շաբաթ փոշի սրբել:
Ջենին նշում է, որ դա իրեն օգնում է ավելի շատ ուշադրություն դարձնել երեխաների դաստիրակությանը, այլ ոչ թե տնային հոգսերին եւ ավելի շատ ժամանակ անցկացնել տան անդամների հետ:
Source: The Sun
Հետևեք NEWS.am Medicine-ին Facebook-ում և Twitter-ում