Պորտուգալիայից 50-ամյա կնոջ մահն իսկական դետեկտիվի է վերածվել:
Կինը, որի անունը չի նշվում, երկու անգամ դիմել է հիվանդանոց գանգատվելով կոկորդի ցավից:
Բժիշկները նրա ախտանիշները մրսածության նախանշան են համարել, քանի որ ռենտգենը որեւէ պաթոլոգիա չի հայտնաբերել:
Բացի այդ, նրան ուղարկել են հոգեբույժի մոտ: Բանն այն է, որ կնոջ մոտ ամուսնու մահից հետո հոգեկան խնդիրներ են առաջացել եւ կոկորդում գնդի զգացողությունը կարող էր հիստերիկ գնդի (Globus Hystericus) հետեւանք լինել:
Արդյունքում կնոջը մրսածության բուժման համար հակաբիոտիկներ են նշանակել, սակայն մեկ օր անց նրան մեռած են գտել սեփական բնակարանի լոգարանում:
Ընդ որում նրա գլխին վերք է եղել, իսկ հագուստը՝ արյամբ ներծծված: Ոստիկանները ենթադրել են, որ կնոջը սպանել է նրա կենակիցը:
Տղամարդուն ազատազրկում է սպառնացել, սակայն դիահերձումը պարզել է, որ մահվան պատճառ է դարձել կոկորդում մնացած ատամ մաքրիչը՝ 3.5 սմ երկարությամբ:
Հենց դրա պատճառով է կնոջ օրգանիզմում բորբոքային գործընթաց սկսվել, որն էլ սրտի կանգ է առաջացրել: Տուժածի մարմնի վերքը եւ արյունը առաջացել են այն պատճառով, որ նա ընկնելու ժամանակ գլուխը հարվածել է հատակին:
Տվյալ դեպքն, ըստ փորձագետների վկայում է, որ բժիշկները պետք է ուշադիր վերաբերվեն պացիենտների բողոքներին եւ ավելի մանրակրկիտ հետազոտություն անցկացնեն:
Օրինակ՝ չարաբաստիկ ատամ մաքրիչը կարելի էր հայտնաբերել լարինգոսկոպիայով, որը չի անցկացվել:
Դեպքը նկարագրվել է Journal of Forensic and Legal Medicine ամսագրում:
Հետևեք NEWS.am Medicine-ին Facebook-ում և Twitter-ում