ՈՒՇԱԴՐՈՒԹՅՈՒՆ. Ստորեւ ներկայացվող լուսանկարները ձեզ կարող են տհաճ լինել կամ սարսափազդու թվալ
Հնդկաստանում բժիշկները 16-ամյա պացիենտի արգանդից հեռացրել են 15- կիլոգրամանոց կիստա: Նման տարիքի աղջկա մոտ այդպիսի մեծ կիստաները չափազանց հազվադեպ են հանդիպում:
Metro պարբերականը հայտնում է, որ աղջիկը, ում անունը չի հրապարակվում, բազմիցս դիմել է բժիշկներին՝ գանգատվելով ստամոքսի ցավերից եւ դաշտանի բացակայությունից: Բժիշկները փորձել են աղջկան բուժել դեղորայքով սակայն ոչ մի դեղ չի օգնել:
Ապրիլի 17-ին Հնդկաստանի Փենջաբ նահանգի Sarin Hospital հիվանդանոցի վիրաբույժները աղջկան վիրահատել են եւ նրա արգանդից հեռացրել անոմալ մեծ ուռուցք: Բժիշկների տեղեկացմամբ՝ նորագոյացությունը բարորակ էր, եւ հիմա հնդկուհու կյանքին ոչ մի վտանգ չի սպառնում: Ներկայումս նա վիրահատությունից հետո վերականգնվում է:
Հետևեք NEWS.am Medicine-ին Facebook-ում և Twitter-ում