Ռուսաստանում տեղի է ունեցել ողբերգական դեպք. Վորոնեժի օնկոդիսպանսերի պացիենտը մահացել է այն բանից հետո, երբ ճառագայթային թերապիայի սեանսի ժամանակ ճզմվել է սեղանի եւ սարքավորման միջեւ: Կինը ստացել է կյանքի հետ անհամատեղելի կրծքավանդակի եւ որովայնի վնասվածքներ:
Вести.Ru-ն հայտնում է, որ դեպքը տեղի է ունեցել Teragam գամմա-թերապեւտիկ սարքով հերթական հեռակառավարվող ճառագայթային թերապիայի անցկացման ժամանակ: Ենթադրաբար, խափանվել է 2006 թվականի թողարկման չեխական ապարատի ամբարձիչ մեխանիզմը:
ՌԴ ՔԿ մարզային վարչությունը քրեական գործ է հարուցել մասնագիտական պարտականությունների ոչ պատշաճ կատարման հետեւանքով անզգուշությամբ մահ պատճառելու փաստով:
Հետևեք NEWS.am Medicine-ին Facebook-ում և Twitter-ում