The Daily Mail-ը հայտնում է, որ Վան ազգանունով 65-ամյա կինը բժշկի է դիմել արյունախառն հազի եւ ըմպանի շրջանում անհարամարվետության գանգատներով: Բժիշկները բրոնխոսկոպիայով շնչուղու մեջ հայտնաբերել են 3 սմ չափով տզրուկ:
Այն կոկորդից դուրս քաշելու համար բժիշկները ստիպված էին թզրուկին սառեցնել չոր սառույցով: Դրա շնորհիվ այն քնի մեջ է հայտնվել, որից հետո հաջողվել է հատուկ սարքով այն տառացիորեն ներծծել շնչափողից: Ընդհանուր առմամբ, մակաբույծին հեռացնելու գործողությունը տեւել է 6 րոպե:
Բժիշկների խոսքով՝ պացիենտի շնչուղում տզրուկի հայտնվելու պատճառը աղբյուրի ջուր խմելու կնոջ սովորությունն է: Նա, ամենայն հավանականությամբ, ջրի հետ կուլ է տվել տզրուկի ձվեր կամ թրթուր: Փորձագետները նշում են, որ եթե կինը ժամանակին չդիմեր բժիշկներին, ապա առողջության համար հետեւանքները կարող էին միանգամայն ծանր լինել:
Source: The Daily Mail
Photos: AsiaWire
Հետևեք NEWS.am Medicine-ին Facebook-ում և Twitter-ում