Երեխայի սեռական հասունացումն ամիջական կապ ունի նրա ոսկրերի ամրության հետ: Այս մասին ասվում է բրիտանացի գիտնականների հետազոտության մեջ, որը հրապարակվել է JAMA Network Open ամսագրում:
Բրիստոլի համալսարանի գիտնական Ահմեդ Էլհակիմը նշում է՝ ուշ հասունացող երեխաների մոտ մեծ տարիքում մեծանում է օստեոպորոզի ռիսկը:
Հետազոտության շրջանակում գիտնականները 15 տարի ուսումնասիրել են մոտ 6 հազար եվրոպացի երեխաների ոսկրային հյուսվածքների կառուցվածքի փոփոխությունները:
Վերլուծելով ստացված տվյալները՝ մասնագետները եզրակացության են եկել, որ են ոսկրերի ամրությունն ու դրանց միներալիզացումը կապ ունեն երեխայի սեռական հասունացման հետ: Այդպիսով, որքան ցածր է եղել երեխայի ոսկրային միներալիզացումը, այնքան ուշ է նրա մոտ սկսվել սեռական հասունացումը, եւ հակառակը:
Հետևեք NEWS.am Medicine-ին Facebook-ում և Twitter-ում