ՆԱԽԱԶԳՈՒՇԱՑՈՒՄ. տեսահոլովակը կարող է ձեզ տհաճ կամ ահավոր թվալ։
Հնդկական Հարյանա նահանգում ծնվել է երեխա հազվադեպ հիվանդությամբ՝ սրտի էկտոպիայով. նրա սիրտը գտնվում է կրծքավանդակից դուրս։
Daily Mail-ը հրապարակել է տեսանյութ նորածնի մասին, որտեղ երեւում է, որ երեխայի սիրտը զարկում է նրա մարմնի վրա։
Բժիշկների տվյալներով՝ նորածինը ծանր վիճակում է։ Այժմ նա վերակենդանացման բաժանմունքում է, ողջ մնալու նրա հնարավորությունները շատ ցածր են։
Սրտի էկտոպիան հազվադեպ բնածին արատ է, որի դեպքում սիրտը զարգանում է կրծքավանդակից դուրս։ Նման արատ ունեցող երեխաների մեծ մասը մահանում է կյանքի առաջին տարում։ Այս արատով ամենից երկար հաջողվել է ապրել ամերիկացի Քրիսթոֆեր Ուոլին։ Նա ենթարկվել է մի քանի վիրահատության եւ ապրել մինչեւ 34 տարեկան։
Հետևեք NEWS.am Medicine-ին Facebook-ում և Twitter-ում