Միշտ չէ, որ իմաստ ունի վերքին սպեղանի դնելը, ավելին, ոչ միշտ է դա անվտանգ, ինչպես պնդում են մասնագետները:
Որոշ դեպքերում սպեղանին կարող է վերքը պաշտպանել կեղտից կամ վարակից: Իսկ եթե սպեղանին հակասեպտիկ է պարունակում, ապա կարող է նաեւ ախտահանել: Սակայն խնդիրն այն է, որ սպեղանու մեջ հակասեպտիկը կարող է բորբոքիչ ազդեցություն ունենալ՝ ընդհուպ մինչեւ քիմիական այրվածքի առաջացումը:
Մասնագետների խոսքով՝ բակտերիցիդ սպեղանին իսկապես կոչված է պաշտպանելու քերծվածքի մեջ հիվանդությունների պոտենցիալ հարուցիչների եւ օտարածին մարմինների ներթափանցումից: Սակայն կարեւոր է ճիշտ ամրացնել սպեղանին:
Ահա, թե ինչ են խորհուրդ տալիս մասնագետները
Սպեղանին դրեք միայն չոր եւ ոչ մեծ վերքի վրա Չի կարելի սպեղանին սեղմել վնասված հատվածին Ցանկացած դիսկոմֆորտի դեպքում, առավել եւս այրման դեպքում անհրաժեշտ է միանգամից հանել այն Եթե վերքը չորացել եւ կպել է սպեղանուն, ապա այն հանելուց առաջ թրջեք մաքուր ջրով, իսկ նոր սպեղանի ամրացնելու համար վնասված հատվածը պետք է չորացնելՄասնագետների խոսքով՝ եթե դուք վնասվածք եք ստացել տնային պայմաններում, եւ եթե վնասվածքը մեծ չէ, ավելի լավ է այն բաց թողնել. այդպես վերքն ավելի արագ կլավանա: Ժամանակ առ ժամանակ այն մշակեք ջրածնի պերօքսիդով կամ բետադինով: Սակայն բաց վնասվածքով փողոց դուրս գալը վտանգավոր է: Նման դեպքերում վերքը պետք է փակել սպեղանիով՝ չմոռանալով վերոնշյալ խորհուրդների մասին:
Հետևեք NEWS.am Medicine-ին Facebook-ում և Twitter-ում