Ավստրալիայի Նոր Հարավային Ուելս նահանգից 24-ամյա Էմբերը որոշել է կատարել աչքերին էքստրեմնալ դաջվածք եւ 3 շաբաթով տեսողությունից զրկվել է:
Daily Mail-ը հայտնում է, որ աղջիկը 26 հազար դոլար է ծախսել մարմնի փոխակերպման համար, այդ թվում՝ լեզվի սփլիթի (բաժանում) եւ ականջների թունելների համար: Նա մարմնին կատարել է 200 դաջվածք, մեծացրել է կուրծքը եւ փոխել այտերի, շրթունքների ու ականջների ձեւը:
Նրա վերջին գաղափարը ակնախնձորները կապույտ ներկելն էր: Այս միջամտությունն ամենավտանգավորն ու ռիսկայինն էր այն ամենից, ինչի միջով նա ստիպված էր եղել անցնել:
«Ես նույնիսկ չգիտեմ ինչպես նկարագրել այն, ինչ վերապրել եմ,- պատմում է աղջիկը: - Երբ թանաքներն ընկնում էին ակնախնձորի մեջ, թվում էր, թե դաջվածքի վարպետն աչքերիս մեջ ապակու տասնյակ փշուրներ է խրում»:
Սեանսը տեւել է 40 րոպե:
«Դա անչափ ցավոտ էր: Ամեն աչքիս մեջ կատարել են 4-ական ներարկում: Ցավոք, դաջվածքն անողը թանաքն ակնախնձորի մեջ շատ խորն էր անցկացրել,- պնդում է նա: - Եթե միջամտությունը ըստ կանոնների են անում, մարդը չպետք է կուրանա, դա հրաշավոր էր»:
Աղջկա տեսողությունը, բարեբախտաբար, ժամանակի ընթացքում վերականգնվել է:
Հիմա նա երազում է 2020 թվականի մարտին իր ամբողջ մարմինը ծածկել դաջվածքներով, սակայն այլեւս չի ծրագրում կատարել էքստրեմալ մոդիֆիկացիաներ:
Լուսանկարը՝ @amber__luke-ի
Հետևեք NEWS.am Medicine-ին Facebook-ում և Twitter-ում