Հիվանդ վիճակում աշխատանքի գնալն ուղղակի իմաստ չունի, պնդում են Բիրմինգեմի համալսարանի գիտնականները:
Slash Gear-ի փոխանցմամբ՝ բանն այն է, որ անհեթեթ մրսածության հետեւանքով զարգացող բորբոքումը ազդում է առույգությունն ու աշխատունակությունը պահպանելու ուղեղի ունակության վրա: Այս պատճառով հիվանդության ֆոնին գլուխը հաճախ ասես մշուշի մեջ լինի, կենտրոնացման խնդիրներ են առաջանում, դանդաղում է մտածելու արագությունը, բառերը շփոթում են: Պարզապես անհնարին է այսպիսի վիճակում արդյունավետ աշխատել, նշում են մասնագետները:
Նրանք փորձ են անցկացրել 20 երիտասարդի մասնակցությամբ, որոնց որովայնային տիֆի դեմ պատվաստ են ներարկել՝ ժամանակավոր բորբոքում առաջացնելու համար: Մասնագետներն այնուհետեւ մի քանի ժամ անց կոգնիտիվ ստուգում են կատարել՝ ուղեղի ակտիվության մոնիթորինգի հետ միասին: Ավելի ուշ մասնակիցներին ներարկել են ջուր, իսկ ուղեղի աշխատանքի թեստերը կրկնել են:
Հետազոտության մասնակիցների մոտ բորբոքման մակարդակին հետեւել են արյան անալիզով: Կամավորները չգիտեին, թե իրենց կոնկրետ ինչ են ներարկել: Չնայած բորբոքումը չի ներգործել գործադիր վերահսկողության վրա, բացասական ազդեցություն է ունեցել աչալրջության մակարդակի վրա:
Հետևեք NEWS.am Medicine-ին Facebook-ում և Twitter-ում