Ոգելից խմիչքն օգտակար չէ ոչ ոքի համար, սակայն առողջ մարդիկ կարող են իրենց թույլ տալ մի փոքր խմել տոների ժամանակ, եւ, ամենայն հավանականությամբ, սարսափելի ոչինչ նրանց հետ տեղի չի ունենա: Սակայն որոշ հիվանդությունների դեպքում ալկոհոլ օգտագործելն արգելված է անգամ փոքր չափաբաժնով, ինչպես պնդում է գաստրոէնտերոլոգ Ալեքսեյ Պարոմոնովը (Ռուսաստան):
Նախ խոսքը վերաբերում է լյարդի քրոնիկական հիվանդություն, օրինակ, հեպատիտ, ունեցող մարդկանց, գրում է «Արգումենտի ի ֆակտի» թերթը: Այդ մարդկանց կտրականապես արգելվում է ալկոհոլ օգտագործել:
«Այդպիսի հիվանդների համար մահացու վտանգ կարող է ներկայացնել ալկոհոլի անգամ փոքր քանակությունը. մեկ կաթիլը կարող է սպանել»,-հայտարարել է բժիշկը:
Նրա խոսքով՝ ալկոհոլն արգելված է նաեւ քրոնիկական պանկրեատիտի դեպքում. անհնար է կանխատեսել այդ հիվանդության պարագայում մարդու ենթաստամոքսային գեղձի արձագանքն ալկոհոլի նկատմամբ: Այդ պատճառով պանկրեատիտով տառապող հիվանդներին մասնագետը խորհուրդ է տալիս զերծ մնալ ալկոհոլից, եթե նրանք չեն ցանկանում փչացնել առաջիկա տոներն իրենց եւ իրենց հարազատների համար:
Ինչ վերաբերում է մյուս մարդկանց, մասնագետները հիշեցնում են, որ չարժե ալկոհոլ չարաշահել, եթե անգամ դուք ձեզ լիովին առողջ եք համարում:
Հետևեք NEWS.am Medicine-ին Facebook-ում և Twitter-ում