Ինչպե՞ս են օդի ջերմաստիճանն ու եղանակային այլ գործոններ ազդում կորոնավիրուսի տարածման վրա: Հարցին պատասխանել են ամերիկացի գիտնականները, հաղորդում է ScienceDaily-ն:
Վերլուծելով ԱՄՆ տարածքում հունվարից մինչեւ ապրիլի վերջ կորոնավիրուսի հետ կապված տվյալները՝ գիտնականները նկատել են, որ կորոնավիրուսի տարածումն իսկապես նվազում է մինչեւ 11 աստիճան ջերմաստիճանի բարձրացման դեպքում: Ընդ որում, գիտնականները նշել են, որ տաք եղանակի ժամանակ հիվանդանալու ռիսկը ցածր է:
Գիտնականները նշել են, որ օդի ջերմաստիճանը կորոնավիրուսի տարածման ժամանակ որոշիչ գործոն չի համարվում. վիրուսը կարող է շարունակել տարածվել նաեւ շոգ եղանակի ժամանակ:
Հետազոտությունը նաեւ ցույց է տվել, որ ուլտրամանուշակագույն ճառագայթման բարձր մակարդակը եւս նպաստում է կորոնավիրուսի տարածման տեմպերի դանդաղեցման վրա: Իսկ ահա օդի խոնավությունն ու տեղումները չեն ազդում համաճարակաբանական վիճակի վրա:
Ինչպես նշել է հետազոտության հեղինակներից մեկը՝ Շիվ Սեհրան, չի կարելի ենթադրել, թե վարակի տարածումն ամբողջությամբ կդադարի ամռան ամիսներին:
Հետևեք NEWS.am Medicine-ին Facebook-ում և Twitter-ում