Թոքերի արհեստական օդափոխման սարքերին միացված կորոնավիրուսով վարակված պացիենտների մոտ մահացությունն ավելի ցածր է, քան համարվում էր:
Նախկինում հաղորդվել է 50%-անոց մահացության մասին, սակայն նոր հետազոտությունը, որը հրապարակվել է Critical Care Medicine ամսագրում, ցույց է տվել, որ միջինում մահանում են պացիենտների 35,7%-ը:
Ինչպես հայտնում է scitechdaily.com-ը, հետազոտության հեղինակներն ուսումնասիրել են 18 տարեկանից բարձր պացիենտների մասին տվյալները, որոնք մարտից մինչեւ ապրիլ բուժվել են ինտենսիվ թերապիայի բաժանմունքներում:
Հոդվածում նշվում է մեդիաների եւ սոցցանցերի դերը այն կարծիքի տարածման գործում, որ իտուբացիան եւ ԹԱՕ-ն եղել են «սուբօպտիմալ արդյունքների պատճառը»:
Հետևեք NEWS.am Medicine-ին Facebook-ում և Twitter-ում