Կղանքի գունատությունը կարող է լյարդի քաղցկեղի զարգացման ախտանիշ լինել: Այս մասին ասվում է Դուգլաս Մքմիլանի անվան օնկոլոգիական հիվանդությունների դեմ պայքարի հարցով բարեգործական կազմակերպության հուշաթերթում:
Ինչպես հայտնում է Daily Express-ը, ախորժակի կորուստը, թուլությունն ու սրտխառնոցը, որովայնի աջ հատվածում ցավը, փքվածությունն ու մաշկի դեղնածությունը կարող են լյարդի քաղցկեղի նշաններ լինել:
Սակայն այդ ախտանիշները կարող են առաջանալ նաեւ այլ հիվանդությունների պատճառով: Այդ պատճառով մասնագետները խորհուրդ են տալիս ախտանիշների առկայության դեպքում դիմել բժշկի:
Լյարդի քաղցկեղի զարգացման գործոնների թվում են նաեւ ալկոհոլի չարաշահումը, ավելորդ քաշը, գենետիկ հակվածությունն ու շաքարային դիաբետը:
Հետևեք NEWS.am Medicine-ին Facebook-ում և Twitter-ում