Յոդը շատ կարեւոր միկրոէլեմենտ է առողջության համար, որը պարզապես անհրաժեշտություն է վահանաձեւ գեղձի բնականոն գործունեության համար: Այս գեղձի արտադրած հորմոններն ազդում են իմունային համակարգի եւ ուղեղի վրա: Առողջապահության համաշխարհային կազմակերպության տվյալներով` գրեթե 50 միլիոն մարդ տառապում է յոդի պակասի պատճառով առաջացած տարբեր աստիճանի ուղեղի վնասվածքներից, ընդ որում, այս խնդիրն առավել սուր է այն շրջաններում, որտեղ ջուրն ու հողը բավարար հարստացված չեն տվյալ միկրոէլեմենտով: Այդ շրջանների թվում է նաեւ Հայաստանը:
Որո՞նք են յոդի պակասի ախտանիշները:
Պարանոցի առջեւի հատվածի այտուցվածություն
Պարանոցի առջեւի հատվածի այտուցվածությունն օրգանիզմում յոդի անբավարարության ամենատարածված ախտանիշներից մեկն է: Այս միկրոէլեմենտի դեֆիցիտի դեպքում վահանաձեւ գեղձը սկսում է ավելի ակտիվ աշխատել եւ մեծացնում է հորմոնների արտադրությունը, ինչն էլ զոբի առաջացման է հանգեցնում: Դրանից ազատվել շատ հաճախ օգնում է յոդի պակասի բորբոքումը:
Քաշի ավելացումՔաշի անհիմն ավելացումը եւս կարող է վկայել օրգանիզմում յոդի պակասի մասին: Բանն այն է, որ վահանաձեւ գեղձի հորմոններն ազդում են նյութափոխանակության վրա, եւ եթե դրանց մակարդակն իջնում է, մարմինը դանդաղեցնում է կալորիաների այրումը:
Հոգնածության ավելացում
Եթե դուք արթնանալուց անմիջապես հետո հոգնածություն եք զգում եւ ամբողջ օրվա ընթացքում էներգիայի եւ ուժի կարիք ունեք, դա կարող է յոդի պակասի նշան լինել Այս ախտանիշը հայտնվում է յոդի պակաս ունեցող մարդկանց 80 տոկոսի մոտ:
Մազաթափություն
Վահանագեղձի հորմոններն ազդում են նաեւ մազերի ֆոլիկուլների ակտիվության վրա: Երբ յոդի բացակայության պատճառով այս հորմոնի մակարդակն իջնում է, ֆոլիկուլների վերականգնումը կարող է դանդաղել, ինչը մազաթափության է հանգեցնում:Մաշկի չորացում եւ թեփոտում
Յոդի պակասի մասին կարող է վկայել նաեւ չորմաշկը: Հետազոտությունները ցույց են տալիս, որ վահանաձեւ գեղձի հորմոնի ցածր մակարդակ ունեցող մարդկանց մինչեւ 77 տոկոսը մաշկի խնդիրներ են ունենում բջիջների վերականգնման խանգարման պատճառով:
Հետևեք NEWS.am Medicine-ին Facebook-ում և Twitter-ում