Մեկ տարվա ընթացքում մեր ինժեներները կարողացան ստանալ վերջնական պրոդուկտ՝ տեղական արտադրության արհեստական շնչառության սարքեր: Այս մասին լրագրողների հետ զրույցում ասաց առողջապահության նախարար Անահիտ Ավանեսյանը:
Նրա խոսքով, այս սարքերը պետք է դեռ կլինիկական փորձարկումներ եւ սերտիֆիկացում անցնեն: Այդ գործընթացների ավարտից հետո, եթե սարքերի անվտանգությունն ու արդյունավետությունն ապացուցվի, դրանք կսկսեն կիրառվել:
Սակայն, նախարարի խոսքով, դեռ դժվար է ասել, թե որքան ժամանակ կպահանջվի սերտիֆիկացման գործընթացի համար:
Հետևեք NEWS.am Medicine-ին Facebook-ում և Twitter-ում