Քրքումը շատ օգտակար համեմունք է, որը բարերար ազդեցություն ունի մարսողության վրա։ Նման կարծիք է հայտնել սննդաբան Եկատերինա Մուրավսկայան (Ռուսաստան)։
«ՌԻԱ Նովոստի»-ի փոխանցմամբ՝ քրքումը բնական հակասեպտիկ եւ հակաբակտերիալ միջոց է համարվում։ Այն նաեւ որպես լյարդի բնական դետոքսիկացնող միջոց է ծառայում եւ հակաքաղցկեղային հատկություն ունի:
Մասնագետի խոսքով՝ հնագույն ժամանակներից Ասիայում քրքումը որպես լյարդի ցանկացած հիվանդության դեմ լավագույն միջոց է օգտագործվել։ Ենթադրվում է, որ քրքումը նաեւ խթանում է լեղապարկը, ինչպես նաեւ նորմալացնում է աղեստամոքսային տրակտի (GIT) աշխատանքը: Համեմունքը նաեւ բարելավում է ուղեղի աշխատանքը։
Սակայն քրքումը կարող է նաեւ վտանգավոր լինել. սննդաբանը նախազգուշացրել է, որ այն հակացուցված է ալերգիկ հիվանդներին, ինչպես նաեւ՝ հակադիաբետիկ դեղամիջոցներ ընդունելիս։
Հետևեք NEWS.am Medicine-ին Facebook-ում և Twitter-ում