5 սովորություն, որոնք կարող են լյարդի քաղցկեղի առաջացման պատճառ դառնալ

29 ապրիլի, 2022 21:48

Անաբոլիկ ստերոիդների ընդունումը եւ չպաշտպանված սեռական հարաբերությունը, ի թիվս այլ պատճառների, կարող են հանգեցնել լյարդի քաղցկեղի զարգացման, ինչպես պնդում են մասնագետները: Ինչպես հայտնում է ETNT պարբերականը, քաղցկեղի առաջացմանը նպաստող գլխավոր սովորությունը, բժիշկների խոսքով, թունդ խմիչքների չարաշահումն է: «Ալկոհոլի մեծ քանակությունը կարող է հանգեցնել լյարդի վնասման, այդ թվում՝ ցիռոզի: Դա, իր հերթին, մեծացնում է լյարդի քաղցկեղի առաջացման հավանականությունը»,- ասել է բժշկական գիտությունների դոկտոր Ռոդրիխ Շվարցը: Ծանր հիվանդության զարգացման երկրորդ պատճառը, մասնագետների կարծիքով, կարող է դառնալ անաբոլիկ ստերոիդների անկանոն ընդունումը: Սպորտային բժշկության մասնագետ Բոբ Գոդմանի խոսքով՝ լյարդի քաղցկեղի զարգացումը մի շարք մարզիկների մոտ պայմանավորված է եղել հենց անաբոլիկ ստերոիդների օգտագործմամբ: Չպաշտպանված սեռական հարաբերությունը նույնպես կարող է լյարդի քաղցկեղի առաջացման պատճառ դառնալ: Ամերիկյան օնկոլոգիական հետազոտությունները ցույց են տվել, որ հեպատիտ Բ (HBV) կամ հեպատիտ Ց (HCV) վիրուսով քրոնիկ վարակումը հանգեցնում է լյարդի ցիռոզի, ինչը կարող է հանգեցնել առավել վտանգավոր հիվանդության: Իսկ այդ վիրուսներով ամենից հաճախ վարակվում են չպաշտպանված սեռական ակտի ժամանակ: Լյարդի քաղցկեղի առաջացման պատճառ կարող են դառնալ նաեւ ծխելն ու ավելորդ քաշը:

Հետևեք NEWS.am Medicine-ին Facebook-ում և Twitter-ում

Print | На русском

Related News

Նշվել է ուտելուց հետո արյան մեջ շաքարի թռիչքաձև աճը մեղմելու պարզ եղանակը Որոշները ձիթայուղ են ստացել գլյուկոզայից 15 րոպե առաջ, մյուսները՝ նախ գլյուկոզա, ապա ձիթայուղ, իսկ երրորդները (ստուգիչ խումբ)՝ ջուր՝ գլյուկոզայից առաջ․․․
Հղիության ընթացքում առողջ սնունդը նվազեցնում է երեխայի մոտ խոցերի և էկզեմայի ռիսկը․ հետազոտություն Դիետային և մանկական խոցերին նվիրված նախորդ հոդվածները կենտրոնացած էին այն հարցի վրա, թե արդյոք կերակրող մայրերի սննդակարգի կամ մանկական կերերի բաղադրության փոփոխությունները կարող են ազդել խոցերի ախտանիշների վրա․․․
Ճապոնական ծիրանը կարող է օգնել Helicobacter pylori բակտերիայի դեմ պայքարում․ F&F Հետազոտողներն ուսումնասիրել են 17 ուտելի բույսերի էքստրակտները՝ Helicobacter pylori-ն ճնշելու ունակ բնական նյութեր գտնելու նպատակով․․․
«Օզեմպիկական շիկ». ինչու միայն հանուն սլացիկ լինելու չի կարելի նիհարեցնող դեղամիջոցներ ընդունել Նիհարելու բուն ցանկությունը դեռևս չի նշանակում, որ անձը դեղորայքային բուժման կարիք ունի: Բժիշկը պետք է գնահատի, թե որքանով է քաշի նվազումն իրականում անհրաժեշտ՝ հաշվի առնելով բուժառուի առողջական վիճակը:
Գիտնականներն ապացուցել են զբոսանքների օգուտը միայնակ մարդկանց համար․ Frontiers in Psychology ԱՀԿ-ն ընդունել է, որ միայնությունը հանրային առողջապահության գրեթե գլխավոր խնդիրն է...