Թխվածքաբլիթները, շոկոլադե սալիկները, կոնֆետները եւ չիպսերը՝ որպես միջանկյալ սնունդ՝ նախաճաշի եւ ճաշի միջեւ ընկած ժամանակահատվածում, իսկական թույն են սրտի եւ անոթների համար:
Տյումենի գիտական սրտաբանական կենտրոնի թերապեւտ, գաստրոէնտերոլոգ, բժշկական գիտությունների թեկնածու Մարիա Լյապինան խորհուրդ է տալիս սրտի եւ արյան անոթների նորմալ աշխատանքը պահպանելու համար սննդակարգում ներառել օմեգա-3-ով, բջջանյութով, հակաօքսիդանտներով եւ ֆլավոնոիդներով հարուստ մթերքներ, գրում է «Տյումենյան գիծը»։
Եւ, ըստ գաստրոէնտերոլոգի, կա ափսեի կանոնը։ Եթե ամենօրյա սննդակարգը պատկերացնեք որպես ափսե, ապա կեսը կզբաղեցնեն բանջարեղենը, մրգերը, կանաչեղենը՝ որպես սննդային մանրաթելերի, միկրոէլեմենտների եւ վիտամինների աղբյուր, մեկ քառորդը կկազմեն ամբողջահատիկները, ձավարեղենը, շիլաները, մակարոնեղենն ու ցորենի կոշտ տեսակներից հացաբուլկեղենը, եւ եւս մեկ քառորդը կլինի սպիտակուցի աղբյուր, ներառյալ կաթնամթերքը:
Փորձագետն ուշադրություն է հրավիրում նաեւ «ծիածանի կանոնի» վրա՝ որքան շատ տարբեր գույների մթերքներ կան սննդակարգում, այնքան շատ վիտամիններ եւ հանքանյութեր ենք ստանում։ Սննդից վիտամիններն ու միկրոտարրերն ավելի լավ են ներծծվում աղեստամոքսային տրակտում, քան հաբերից եւ պարկուճներից։
Հետևեք NEWS.am Medicine-ին Facebook-ում և Twitter-ում