Ռուս թերապեւտ Նադեժդա Չերնիշովան «Մոսկվա 24-ին» տված հարցազրույցում պատմել է, թե որ նշանները կարող են վկայել մոտալուտ ինսուլտի մասին։
Դրանցից մեկը, նրա խոսքով, դեմքի անհամաչափությունն է, որի դեպքում մարդը կարող է ժպտալ միայն բերանի մի կողմով։«Լինում է նաեւ թուլություն ձեռքի կամ ոտքի հատվածում, սովորաբար՝ այն նույն կողմում, որտեղ շեղվել է ժպիտը: Երբեմն ուժեղ, անտանելի գլխացավ է լինում»,- նշել է մասնագետը։
Թերապեւտի խոսքով՝ կարող է բարդանալ խոսելու ունակությունը, երբ մարդը ոչինչ չի կարող ասել։ Այսինքն՝ ուզում է ասել, բայց չի ստացվում։
Բացի այդ, ինսուլտի սկիզբը կարող է ուղեկցվել գիտակցության կորստով եւ տարածության մեջ կողմնորոշման կորստով: Նման նշանների առկայության դեպքում թերապեւտը խորհուրդ է տալիս անհապաղ շտապ օգնություն կանչել։
Հետևեք NEWS.am Medicine-ին Facebook-ում և Twitter-ում