Երևանի «Նորք-Մարաշ» բժշկական կենտրոնում, կոնֆերանսների մեծ դահլիճում նոյեմբերի 4ին տեղի կունենա Առիթմոլոգիական ֆորում 2022–ը։
Առիթմոլոգիան հանդիսանում է սրտաբանության հիմնաքարային ճյուղերից մեկը: Այս գիտաժողովի նպատակն է ներկայացնել սրտի ռիթմի խանգարումների վարման ժամանակակից մոտեցումները, միջամտական էլեկտրոֆիզիոլոգիայի բնագավառում վերջին նորությունները։
Գիտաժողովը հատկապես արժևորվում է նրանով, որ ՆՄԲԿ առիթմոլոգիական ծառայությունը կփորձի ներկայացնել այնպիսի միջամտությունների մասին տվյալներ, որոնք եզակի են ամբողջ ՀՀ-ում, կիսվել իր փորձով: Բացի տեսական դասախոսություններից, կքննարկվեն կլինիկական դեպքեր՝ կապելով տեսական գիտելիքը գործնականի հետ: Միջոցառմանը ՀՀ ԱՆ կողմից շնորհվել է 5 ՇՄԶ կրեդիտ:
Թիրախային լսարան՝ սրտաբաններ, սիրտ-անոթային վիրաբույժներ, մանկական սրտաբաններ, սրտաբանական ծառայությունների բուժքույրեր: Սկիզբը՝ 13.00։
Հետևեք NEWS.am Medicine-ին Facebook-ում և Twitter-ում