Պորտուգալիայի 64-ամյա բնակիչը հիվանդանոց է դիմել ականջի ցավով եւ իմացել, որ իր ականջի մեջ հարյուրավոր թրթուրներ կան, գրում է The Mirror-ը։
Պարզվել է նաեւ, որ մակաբույծները վնասել են տղամարդու թմբկաթաղանթը։ Բժիշկները պացիենտի մոտ ախտորոշել են միազ՝ մակաբուծային հիվանդություն, որն առաջացել է օրգանիզմի հյուսվածքներում եւ խոռոչներում թրթուրների պատճառով։
Հայտնաբերված տեսակի միջատների էգերը կենդանիների եւ մարդկանց մաշկի տակ դնում են մինչեւ 400 ձու:
Տղամարդուն բուժել են ականջի կաթիլներով՝ հակաբիոտիկներով, բորաթթվի լուծույթով եւ պերօրալ հակաբիոտիկներով։ Առաջին բուժօգնության դիմելուց մեկ շաբաթ անց պացիենտը լիովին ազատվել է թրթուրներից։
Հետևեք NEWS.am Medicine-ին Facebook-ում և Twitter-ում