Մեր օրերում արտաքինը մեծ դեր ունի մարդկանց ինքնագնահատականի հարցում։ Հենց այդ պատճառով էլ պլաստիկ վիրաբուժությունն ավելի ու ավելի մեծ տարածում է ստանում եւ մարդու դեմքի եւ մարմնի թերությունները շտկելու ավելի շատ հնարավորություններ է առաջարկում։
Նորագույն տեխնոլոգիաներից մեկը՝ լիպոլիֆտինգը, անգամ անվանել են լիպոքանդակագործություն, քանի որ այդ տեխնոլոգիան թույլ է տալիս բառի բուն իմաստով ստեղծել կազմվածքի քանդակային ուրվագծեր։
«Աստղիկ» բժշկական կենտրոնի պլաստիկ եւ միկրովիրաբուժության բաժանմունքի ղեկավար Արշակ Մնացականյանն ամիսը մոտ 40 պլաստիկ վիրահատություն է կատարում։ Բժիշկն օգտագործում է PAL MicroAire վիբրացիոն համակարգը, որն առավելագույն անվտանգություն եւ արդյունավետություն է ապահովում։
Արշակ Մնացականյանը լիպոֆիլինգը կատարում է ուլտրաձայնային հետազոտության հսկողության ներքո։ Այս մեթոդի առավելությունն այն է, որ ՈՒՁՀ–ն հնարավորություն է տալիս ստույգ որոշել այն տեղը, որտեղ պետք է անել ներարկումը, որպեսզի չվնասվեն անոթները, եւ ճարպը երկար պահպանվի։
Վիրաբույժի խոսքով՝ լիպոսակցիայի ժամանակ ճարպը վերցվում է որովայնի առաջնային պատից եւ ազդրերից եւ օգտագործվում է մարմնի տարբեր մասերին՝ նստատեղ, կոնքեր, որովայն, մկաններ, գեղեցիկ ձեւ հաղորդելու համար։ Լիպոֆիլինգից ստացված էֆեկտը կարող է պահպանվել մինչև հինգ տարի։
Մանրամասները՝ տեսանյութում։
Հետևեք NEWS.am Medicine-ին Facebook-ում և Twitter-ում