Պրոֆեսոր Վիկեն Բաբիկյանը մասնակցելու է Հայաստանի 6-րդ Միջազգային բժշկական համագումարին՝ որպես պլենար բանախոս։
Պրոֆեսոր Բաբիկյանը կլինիցիստ է և գիտնական, մասնագիտացված է ուղեղային արյան շրջանառության գնահատման և ցերեբրովասկուլյար հիվանդությունների ոլորտներում։ Հրապարակել է 4 դասագիրք և ավելի քան 150 գիտական աշխատություններ և գրքերի բաժիններ կաթվածի ոլորտում։ Ելույթներով և դասախոսություններով ավելի քան 140 անգամ հանդես է եկել տարբեր ազգային և միջազգային հարթակներում։
Պրոֆեսոր Բաբիկյանը հանդիսանում է Հայաստանի համար կաթվածի նախաձեռնության խորհրդի նախագահ և Հայաստանի կաթվածի գործադիր խորհրդի անդամ։
Ավելին՝ այս հղումով http://6imca.am/speakers
Հիշեցնենք, որ Հայաստանի 6-րդ Միջազգային բժշկական համագումարը տեղի կունենա 2023թ․ հուլիսի 6-8-ը Երևանում։
Հետևեք NEWS.am Medicine-ին Facebook-ում և Twitter-ում