Հայաստանում սուր շնչառական վարակների մասով այս պահին նկատվում է որոշակի կայունացում։ Այս մասին այսօր՝ փետրվարի 9-ին, Կառավարության նիստից հետո լրագրողների հետ զրույցում ասաց ՀՀ առողջապահության նախարար Անահիտ Ավանեսյանը:
«Սեզոնայնությամբ պայմանավորված փետրվարի վերջից մարտի սկիզբ ընկած ժամանակահատվածում կարող է եւս մեկ ալիք լինել, որի դեպքում կձեռնարկենք անհրաժեշտ միջոցներ»,- նշեց նախարարը։
Հիշեցնենք՝ ՀՀ առողջապահության նախարարությունը դեկտեմբերին հաղորդել էր, որ Հայաստանում սուր շնչառական վարակներով եւ գրիպով հիվանդացության ակտիվություն կա։
Հետևեք NEWS.am Medicine-ին Facebook-ում և Twitter-ում