Հակաբիոտիկներ ընդունած կնոջ լեզուն սեւացել է եւ մազակալել։ Սա շատ հազվադեպ հանդիպող դեպք է։ Այս մասին հայտնում են Ճապոնիայի Ֆուկուոկայի համալսարանի գիտնականները։ Բժշկական զեկույցը հրապարակվել է British Medical Journal Case Reports-ում:
60-ամյա կինը, որը տառապում է ուղիղ աղիքի քաղցկեղով, տարօրինակ արձագանք է ունեցել հակաբիոտիկների նկատմամբ: Սեւ մազոտ լեզուն բարորակ շրջելի վիճակ է, որը լեզվին տալիս է մուգ գույն: Գույնի փոփոխությունը մաշկի մահացած բջիջների կուտակման արդյունք է։
Հիվանդը, ով բուժումը սկսել է դրանից 14 ամիս առաջ, հակաբիոտիկ է ընդունել։ Նա ամեն օր ընդունել է այն 100 մգ դեղաչափով՝ կանխելու մաշկի վնասվածքները, որոնք կարող են առաջանալ հակաքաղցկեղային դեղամիջոց՝ պանիտումումաբ ընդունելու հետեւանքով։
Վեց շաբաթ անց դեմքի պիգմենտացիան եւ մազոտ սեւ լեզվի ախտանիշները նկատելիորեն բարելավվել են: Գիտնականները կարծում են, որ պացիենտի վիճակը մինոցիկլինի կողմնակի էֆեկտի հետեւանք էր։
Հետևեք NEWS.am Medicine-ին Facebook-ում և Twitter-ում