Գնահատեք սիրտ-անոթային հիվանդությունների ձեր ռիսկը

Սրտային հիվանդությունները կանանց եւ տղամարդկանց մոտ մահվան հիմնական պատճառն են։

1948  թվականին սրտի ազգային ինստիտուտը սրտի հիվանդությունների եւ ինսուլտի մասին ավելի շատ բան իմանալու համար՝ սկսեց «Ֆրեմինհեմյան սիրտ հետազոտությունը»: Հետազոտողները Մаսաչուսեթս նահանգի Ֆրեմինհեմ փոքրիկ քաղաքում հետազոտեցին ավելի քան 5000  մասնակից՝սիրտ-անոթային հիվանդությունների ընդհանուր ռիսկի գործոնները գնահատելու համար: 1971  թվականին երկրորդ սերունդը՝ ելակետային խմբի մասնակիցների երեխաներն ու նրանց կանայք եւ ամուսինները եւս ներգրավվեցին հետազոտության մեջ:

Երկարատեւ հետազոտության արդյունքում գիտնականները  պարզեցին մարդու ամբողջ կյանքի ընթացքում սրտի հիվանդությունների  կամ սրտի կաթվածի հիմնական ռիսկի գործոնները: Հետեւելով հիմնական ռիսկի գործոններին կարելի է պարզել, թե ինչ ակտիվ փոփոխությունների պետք է ենթարկեք ձեր կենսակերպն ու բուժումը, տեղեկացնում է Fox News-ը։

Ձեր տարիքը

Սիրտ-անոթային հիվանդությունների ռիսկը տարիքի հետ բարձրանում է անկախ ռիսկի մյուս գործոններից՝ տղամարդկանց համար 45-ից, իսկ կանանց համար՝  55-ից (դաշտանադադարից հետո) հետո:

Ժամանակի ընթացքում զարկերակներում ճարպային վահանիկների կուտակումը կարող է մեծ խնդիր դառնալ:  Քանի որ դուք ծերանում եք, զարկերակները կարող են նեղանալ:Երբեմն կարող է արյան հոսքը խոչընդոտող թրոմբ ձեւավորվել, ինչը կարող է սրտի կաթված առաջացնել:

Ձեր սեռը

Տղամարդիկ ավելի շատ են ենթարկվում սիրտ-անոթային հիվանդությունների ռիսկին: Հանկարծակի սրտի կաթվածի դեպքերի 70-80%-ը տեղի է ունենում տղամարդկանց մոտ:  Մինչեւ օրս գիտնականները վստահ չեն կարող ասել, թե ինչումն է պատճառը, չնայած որ հետազոտությունները ցույց են տվել, որ միգուցե խնդիրը սեռական  հորմոնների մեջ է:

 Ձեր խոլեստերինի ընդհանուր մակարդակը

Արյան մեջ բոլոր խոլեստերինների գումարը հանդիսացող ընդհանուր խոլեստերինի մակարդակը սիրտ-անոթային  հիվանությունների պոտենցիալ ռիսկի գործոն է:

Խոլեստերինի մակարդակի միջակայք.

Խոլեստերինի մակարդակի միջակայքն է՝

Նորմալ մակարդակը՝ 200 մգ /դլ քիչ

Սահմանային բարձր ՝ 200 –ից  239 մգ/դլ

Բարձր  240 մգ/ դլ եւ ավել

Ինչքան բարձր է ձեր ընդհանուր խոլեստերինի մակարդակը, այդքան ավելի բարձր է  սիրտ-անոթային հիվանդությունների ռիսկը:

Ձեր HDL «լավ խոլեստերինի» մակարդակը

Գիտնականները պարզել են, որ խոլետերինի ոչ բոլոր տեսականերն են վտանգավոր:  Այսպես կոչված «լավ» խոլեստերինը՝ HDL-ը, փաստացի պաշտպանում է սրտային հիվանդություններից :  Գիտնականները կարծում են, որ այն օգնում է նվազեցնել բորբոքումը՝ ինչը նպաստում է սրտի առողջությանը: Ընդհանուր կարծիքն այն է, որ  ինչքան բարձր է HDL մակարդակը, այդքան ցածր է սիրտ-անոթային հիվանդությունների ռիսկը:

Ընդհանրապես՝

40 –ից ցածր HDL բարձրացնում է սիրտ-անոթային հիվանդությունների ռիսկը

60–ից բարձր HDL կարող է պաշտպանել սիրտ-անոթային հիվանդություններից

Ծխելը

Ընդհանուր առմամբ ծխելը բարձրացնում է սիրտ-անոթային հիվանդությունների ռիսկը: Նիկոտինը եւ ծխախոտում պարունակվող այլ քիմիական նյութերը վնասում են սրտին եւ արյունատար անոթներին՝ բարձրացնելով աթերոսկլերոզի (անոթների նեղացում) զարգացման ռիսկը:

Զարկերակային ճնշում

Ձեր զարկերակային ճնշման առաջին թիվը կարող է մատնանշել, թե ինչքանով եք դուք ենթակա սիրտ-անոթային հիվանդությունների ռիսկին: Դա կոչվում է «սիստոլիկ»  զարկերակային ճնշում, եւ ցույց է տալիս ճնշումը զարկերակներում:

Ահա մի քանի ցուցում զարկերակային ճնշման վերաբերյալ

Նորմալ ՝ 120 մմ ս.ս-ից ցածր

Նախաճնշում՝ 120-ից  մինչեւ 139

Բարձր զարկերակային ճնշում՝ 1 փուլ,  140-ից մինչեւ 159

Բարձր զարկերակային ճնշում՝ 2-րդ փուլ, 160 եւ ավել

Շաքարախտ

Շաքարախտը գտնվում է սրտի հիվանդությունների ռիսկի գործոնների թվի մեջ: Ժամանակի ընթացքում արյան մեջ գլյուկոզայի  բարձր մակարդակը  կարող է  բարձրացնել զարկերակներում ու արյունատար անոթների պատերի վրա ճարպի կուտակումը՝ բարձրացնելով զարկերակների նեղացման եւ աթերոսկլերոզի  զարգացման ռիսկը:

Հետևեք NEWS.am Medicine-ին Facebook-ում և Twitter-ում