Գերմանական BioNTech բիոտեխնոլոգիական ընկերությունը նախատեսում է արտոնագրել և վաճառել քաղցկեղի դեմ առաջին պատվաստանյութերը մինչև 2026 թվականը: Այս մասին հայտարարել են ընկերության համահիմնադիրներ թուրքեր Օզլեմ Թուրեջին և Ուղուր Շահինը։
BioNTech-ը նախկինում առաջին ընկերություններից մեկն էր, որը մշակել էր COVID-19-ի դեմ պատվաստանյութ: «Մենք ակնկալում ենք, որ քաղցկեղի դեմ մեր առաջին պատվաստանյութերը լիցենզավորվեն մինչև 2026 թվականը և կհայտնվեն վաճառքում։ Ներկայումս մենք ունենք հակամարմին թոքերի քաղցկեղի կոնկրետ տեսակի դեմ և թեկնածու հակամարմին կրծքագեղձի մետաստատիկ քաղցկեղի դեմ: Մինչև այս տարվա վերջը, փորձարկումների 2-րդ և 3-րդ փուլերն ավարտելուց հետո, մենք ակնկալում ենք, որ կունենանք պատվաստանյութի տասը թեկնածու, որոնք կարող են գրանցում ստանալ»,- Շահինի խոսքերն է մեջբերում Haber Global հեռուստաալիքը:
Շահինը նաև ասաց, որ կլինիկական փորձարկումները շարունակվում են ընդհանուր առմամբ 30 տեսակի քաղցկեղի, այդ թվում՝ մաշկի, հաստ աղիքի, արգանդի, շագանակագեղձի և թոքերի քաղցկեղի համար: Որոշ ուսումնասիրություններ չափազանց հաջող են եղել, և պատվաստանյութի մշակվումներ են անցկացվում: Նրա խոսքով, ընկերությունը նպատակ ունի «մինչև 2030 թվականը ձևավորել քաղցկեղի բուժման լայն պորտֆոլիո»։
Հետևեք NEWS.am Medicine-ին Facebook-ում և Twitter-ում