Ամերիկացի հետազոտողները նոր փորձի ժամանակ պարզել են, որ դաջվածքի թանաքի արտադրողները պիտակների վրա չեն նշում ամբողջական կազմը։ Մի շարք բաղադրիչներ, որոնք շատ վտանգավոր են առողջության համար, մնում են «փակագծերից դուրս»:
Ինչպես նշում է Phys.org-ը, Բինգհեմթոնի համալսարանի մասնագետները մեկ այլ հետազոտության ընթացքում պարզել են, որ դաջվածքների թանաքի պիտակների վերաբերյալ տեղեկատվությունը չի արտացոլում դրանց կազմի ամբողջականությունը: Արտադրողները և առևտրականները «համեստորեն» լռում են որոշ բաղադրիչների մասին։ Առնվազն ինն ամերիկյան արտադրողներ դիմում են այս հնարքին։
Ինչ վերաբերում է կոնկրետ ապրանքանիշերին, ապա փորձարկված 54 թանաքներից 45-ը (90%) նկատելի հակասություններ են ունեցել իրական կազմի հետ: Այսինքն՝ իրական թանաքի պիգմենտները լրջորեն տարբերվում էին պիտակի «գովազդվողներից»։ Որոշ բաղադրիչներ պարզապես չեն անվանվել:
Թանաքի կեսից ավելին պարունակում է պոլիէթիլեն գլիկոլ, սակայն այն նշված չէ բաղադրության մեջ: Թեև սա շատ վտանգավոր միացություն է, որը երկարատև շփման դեպքում վնաս է հասցնում մարմնին: 15 թանաք պարունակում է պրոպիլեն գլիկոլ, որն ալերգիկ ռեակցիա է առաջացնում։
Դրանք նաև պարունակում են հակաբիոտիկներ և մի շարք այլ դեղամիջոցներ, որոնք պոտենցիալ վտանգավոր են դաջվածքների սրահների հաճախորդների համար:
Հետևեք NEWS.am Medicine-ին Facebook-ում և Twitter-ում