Աղիքներում միկրոօրգանիզմների կազմի և բազմազանության տարիքային փոփոխությունները և դրան հաջորդող բորբոքումները հանգեցնում են իմունային պատասխանների նվազմանը և իմունային համակարգի «ծերացմանը»: Այս մասին The Conversation-ին ասել է Վաթերլոյի համալսարանի (Կանադա) կենսաբանության դասախոս Նարվին Ջանդուն։
Ջանդուն բացատրեց, որ աղիքի միկրոբիոմը միկրոօրգանիզմների հավաքածու է, որոնք ապրում են ստամոքս-աղիքային տրակտում: Միկրոբիոմն օգնում է պահպանել մարմնի կայուն ներքին միջավայրը, երբ բախվում ենք արտաքին փոփոխությունների: Այս երեւույթը հայտնի է որպես հոմեոստազ։ Աղիքների միկրոբիոմը պահպանում է հոմեոստազը տարբեր ձևերով, ինչպիսիք են իմունային համակարգի տոնայնացումը և սննդային մանրաթելերի տրոհումը կարճ շղթայով ճարպաթթուների՝ աղիների պատի ամրացման համար:
Սովորաբար, աղիների միկրոբիոմը և իմունային համակարգը սերտորեն համագործակցում են: Աղիքներում գտնվող միկրոօրգանիզմները ազդանշաններ են ուղարկում, որոնք հայտնաբերվում են իմունային սենսորների կողմից: Սա թույլ է տալիս իմունային համակարգին կարգավորել աղիքներում օգտակար բակտերիաների քանակը՝ օգնելով պահպանել իմունային հոմեոստազը: Այս փոխազդեցության միջոցով հարմարվողական իմունային համակարգը նաև գրգռիչներ է ստանում վնասակար նյութերից, որոնք կոչվում են անտիգեններ, որոնք առաջացնում են իմունային պատասխան:
Սակայն տարիքի հետ փոխվում է աղիներում միկրոօրգանիզմների բաղադրությունն ու հավասարակշռությունը։ Սա հանգեցնում է մանրէաբանական դիսբիոզի, ինչը նշանակում է աղիներում օգտակար բակտերիաների քանակի նվազում՝ բորբոքայինների քանակի ավելացման հետ մեկտեղ։ Բորբոքումն առաջացնում է իմունային համակարգի անսարքություն եւ մարդուն դարձնում խոցելի տարբեր հիվանդությունների նկատմամբ:
Բացի աղիքներում միկրոօրգանիզմների անհավասարակշռությունից, բորբոքումն ու իմունային ֆունկցիայի վատթարացմանը նպաստում են մի քանի գործոններ: Դրանք ներառում են հոգեբանական սթրեսը, ֆիզիկական անգործությունը, վատ սննդակարգը և քրոնիկական վարակները:
Հետևեք NEWS.am Medicine-ին Facebook-ում և Twitter-ում