Մասնագետների գնահատմամբ՝ ամբողջ աշխարհում մոտ 64 միլիոն մարդ տառապում է սրտի անբավարարությունից։Սրտի անբավարարության պատճառ կարող են լինել այլ հիվանդությունները, որոնք թուլացնում են սրտի մկանները, ինչպես կորոնար անոթների հիվանդությունը, ինչպես նաև անառողջ ապրելակերպի գործոնները, ինչպես ծխելը և շատ խմելը: Միչիգան նահանգի համալսարանի գիտնականներն ասում են, որ հոտի կորուստը կարող է օգնել կանխատեսել մարդու մոտ սրտի անբավարարության զարգացման ռիսկը:Հետազոտության արդյունքները հրապարակվել են Ամերիկյան սրտի ասոցիացիայի ամսագրում:Այս հետազոտության համար հետազոտողները վերլուծել են մոտ 2500 մարդկանց տվյալները, ովքեր մասնակցել են Ծերացման ազգային ինստիտուտի հետազոտությանը:Մասնակիցները, ովքեր առաջին անգամ մասնակցել են այս հետազոտությանը 1997 և 1998 թվականներին, եղել են 70-ից 79 տարեկան առողջ տարեցներ:Հետազոտության մասնակիցներին հետևել են այն պահից, երբ նրանց հոտառությունը փորձարկվել է կլինիկա այցելության ժամանակ՝ 1999 կամ 2000 թվականներին, 12 տարվա ընթացքում կամ մինչև նրանց մոտ սրտանոթային դեպք լինելը կամ մահանալը:Գիտնականները վերլուծել են տվյալները՝ պարզելու, թե արդյոք նրանք կարող են կապ գտնել հոտառության կորստի և սրտանոթային հիվանդությունների, այդ թվում՝ սրտի կաթվածի, ինսուլտի, սրտի անբավարարության, անգինա պեկտորիսի կամ կորոնար արտրի հիվանդության պատճառով մահվան միջև:Հետազոտության արդյունքում գիտնականները պարզել են, որ հոտառություն ունեցող մասնակիցների մոտ 30%-ով ավելի բարձր է սրտի անբավարարության զարգացման ռիսկը, քան նրանց մոտ, ովքեր չեն կորցրել իրենց հոտառությունը:
Հետևեք NEWS.am Medicine-ին Facebook-ում և Twitter-ում