Հայաստանի Ազգային ժողովի պատգամավորները հուլիսի 12-ին երկրորդ և վերջնական ընթերցմամբ հավանություն են տվել վերարտադրողական օժանդակ տեխնոլոգիաների կիրառման մասին օրենքում փոփոխություններին։
Այսպիսով, տարիքային շեմը կբարձրացվի ինչպես փոխնակ մայրերի, այնպես էլ նրանց ծառայություններից օգտվող ընտանիքների համար։ Այն բարձրացել է 53-ից 55 տարեկանի: Փոխնակ մոր տարիքը, նոր օրենսդրության համաձայն, պետք է լինի 38 տարեկան՝ նախկին 35-ի փոխարեն։
Մեկ այլ փոփոխություն վերաբերում է սեռական բջիջների պահպանմանը, արտահանմանը, ներմուծմանը և ոչնչացմանը:
Այսպիսով, ներդրվեցին համապատասխան կարգավորումներ։ Կենսաբանական ծնողները կկարողանան բջիջներ նվիրաբերել: Միաժամանակ բուժհաստատություններին հնարավորություն կտրվի ոչնչացնել կամ նվիրաբերել սեռական բջիջները, սակայն միայն կենսաբանական ծնողների թույլտվությամբ։
Որոշակի սահմանափակումներ են սահմանվել ՀՀ քաղաքացի չհանդիսացող անձանց վերարտադրողականության օժանդակ տեխնոլոգիաների կիրառման վերաբերյալ։ Նախապատվությունը, հաշվի առնելով բարձր պահանջարկը, կտրվի ՀՀ քաղաքացիներին։
Բացի այդ, դեղորայքային աբորտները Հայաստանում կդառնան ավելի մատչելի և անվտանգ։ Այժմ աբորտները կարող են իրականացվել ինչպես ամբուլատոր, այնպես էլ ստացիոնար պայմաններում։ Սակայն միայն մանկաբարձության և գինեկոլոգիայի համար լիցենզավորված բժշկական կազմակերպություններում և հիմնարկներում։
Հետևեք NEWS.am Medicine-ին Facebook-ում և Twitter-ում