Ֆլորիդայի մի կին պնդում է, որ ինքը ժամանակավորապես կուրացել է և տառապել է տանջալից այտուցներից և կապտուկներից այն բանից հետո, երբ բժիշկները ստիպել են իրեն պատվաստումներ կատարել արյան հազվագյուտ հիվանդության դեմ:Հունվարին 23-ամյա Ալեքսիս Լորենցի մոտ ախտորոշվել է պարոքսիզմալ գիշերային հեմոգլոբինուրիա (PNH), որը միլիոնից մեկ հանդիպող աուտոիմուն հիվանդություն է, որի դեպքում օրգանիզմի իմունային համակարգը հարձակվում է կարմիր արյան բջիջների վրա: Այս ամսվա սկզբին Լորենցը մեկնեց Կալիֆոռնիա՝ արյան փոխներարկման՝ վնասված բջիջները վերականգնելու համար, որտեղ նա ասաց, որ բժիշկները հրաժարվում էին փոխներարկումից, եթե նա «միաժամանակ» չստանար տետանուսի, թոքաբորբի և մենինգիտի դեմ պատվաստումներ:Բայց նա պնդում է, որ 10 րոպեի ընթացքում տեսողությունը սևացել է, ծնոտը սառել է և սկսել է փսխել։ Բացի այդ, նա ունեցել է մաշկի տակ արյունահոսություն և ուժեղ այտուց:Բժիշկները Daily Mail-ին ասել են, որ հիվանդին միանգամից այդքան պատվաստումներ տալը ռիսկային է, երբ նա ունի աուտոիմուն հիվանդություն, ինչպիսին PNH-ն է, և կարող է առաջացնել «աղետալի» և պոտենցիալ կյանքին սպառնացող ռեակցիա: Դա պայմանավորված է նրանով, որ չափազանց մեծ իմունային պատասխանը, որը նաև հայտնի է որպես ցիտոկինային փոթորիկ, կարող է հանգեցնել մարմնի հարձակման առողջ օրգանների վրա և դադարեցնել նրանց արյան մատակարարումը:Սակայն, նրանք նշել են, որ քիչ հավանական է, որ պատվաստանյութերում ներառված բաղադրիչներն իրենք հանգեցնեն Լորենցի հիվանդությանը։ Հավանական է, որ նրա հիվանդությունը եղել է անվերահսկելի և վատթարացել՝ ի պատասխան պատվաստումների, քանի որ դրանք կարող են առաջացնել իմունային ռեակցիաներ PNH-ով հիվանդների մոտ:
Հետևեք NEWS.am Medicine-ին Facebook-ում և Twitter-ում